《真心推介》
上星期去咗COCO CAFE朝聖，第一次成功地自己帶BB過海，全靠呢條揹帶咋。
其實兩個月前試過自己帶bb由將軍澳返屯門，但係搭地鐵時bb係咁喊，搞到我又要抱佢又要推bb車，作為媽媽嘅我表示好辛苦，嚇到我成個月都唔敢自己帶bb出街。
不過而家bb大d我就放心用Hip seat揹佢出街，因為bb而家五個幾月可以坐喺度，同埋揹住佢又好少會扭計，可能因為有安全感啦！我又可以唔洗推住架bb車搵𨋢搭，真係慳返好多時間架。
呢個hip seat超正，揹住全日都唔攰之餘，仲可以放勁多野喺入面，銀包電話風扇仔紙巾等等，咩都放晒落去，出街另外帶多個袋只係裝尿片衫仔等等，咁就輕好多喇。
由於實在太方便好用，我而家幾乎日日都用，日日都出街😂
不過唯一嘅唔好處就係而家天氣太熱，揹住佢我哋大家都出晒汗，唯有加個涼墊等大家舒服d啦！
呢個hip seat仲有初生版架，可惜當知道佢出既時候Jasmine已經3個月，用初生版又用得唔耐，所以冇買到，如果我生下胎一定會買呀！
Sinbii Hong Kong & Macau
#chanel #cococafe #好物推薦 #揹帶 #hipseat #sinbii #揹帶涼墊
Search